Mu rwego rwo kunoza imikorere no koroshya itumanaho, ACTR yatangiye gahunda yo kubaka ububiko bw’amakuru (database) y’abanyamuryango bayo.
Iyi database izafasha kumenya aho abanyamuryango bakorera, ibyo bacuruza, n’ibibazo bahura na byo. Bizafasha kandi mu kubahuza n’abafatanyabikorwa no kubagezaho amakuru ku gihe.
Kubika amakuru mu buryo bw’ikoranabuhanga bituma ishyirahamwe rikora mu mucyo, rifata ibyemezo bishingiye ku mibare ifatika, kandi rikamenya neza aho hakenewe kongerwa imbaraga.
Iyi ni imwe mu ntambwe zigamije kubaka ishyirahamwe rikoresha ikoranabuhanga mu guteza imbere ubucuruzi bwambukiranya imipaka mu buryo burambye.
